RECHT UND GERECHTIGKEIT

Mi´n Recht haum vüle a Problem.
Gesetze san oft unbequem,
dafir san s´ meistens kompliziert,
was jeda Laie kritisiert,
weul er s´zwar lest, doch net vasteht,
und darum mant, de braucht ma net.
Kummt´s owa do amoil zum Streit,
wüll jeda daunn Gerechtigkeit.
A jeda fühlt si voll im Recht,
owa Gefühlen folgen, is meist schlecht.
Es gült do scho a Ewigkeit:
Recht und Gerechtigkeit,
san zwa vaschiedne Hüat,
und kana waß, was eahm no blüaht,
vatraut a da „Gerechtigkeit",
denn daraus folgt maunch Schwierigkeit.
Denn am Gesetz kummt neamd vorbei,
und weul s´ vawirrend is, d´ Juristerei,
is ma guat beratn, kummt´s zu Problemen,
si glei an Rechtsanwalt zu nehmen.
Der kennt si bei de Paragrafen aus,
und halt di bei so mauncha Sache raus.
Spül net den Schmiedl, waunnst nix vastehst,
die Reu´ nutzt nix, waunnst z´spät zum Anwalt gehst!

F.J.M